جتني على طاريك عذبات الايام
ذكراك ساقت لي جميع القوافي
لك قلب له مع الطيب وقفات
وبين الضلوع الحانيه قلب صافي
لامن ذكرتك والليالي القديمات
فزيت من نومي ولو كنت غافي
طالت الغيبات ياغالي علينا
وان تحريتك فهذا من غلاك
لويطول البعد والله مانسينا
المشاعر همها لحظةلقاك
ياكريم النفس مثلك مالقينا
لك معزه زادها عندي وفاك
ليت قربك ياهنا العمر بيدينا
وتبعك كني ظلال من وراك
سرياقلم وكتب عظيم اشتياقي
للي لهم بمجلس الطيب مجلاس
قدرك على رآسي سوات الشماغي
بالطيب مالاقي شبيهك مع الناس
انت العطر دايم على الجوطاغي
وغيرك حطب دخانهم يوجع الراس
وربي مااتبعه لو خطوتين
وصبعي وهو اصبعي لامن غدرني اقطعه
بسألك سؤال واحد والجواب بكلمتين
لاصارقدرك والهوى خصمين
من تاقف معه
ياخي العز كراممه وانت دايم مستهين
ياخي ضرسك لوعورك بذمتك ماتقلعه
ياجعل من يضرك وياذيك
يستقبل إسعافه فريق الطواري
وعسى الذييجحد وينكر معانيك
تصيرله دنياه هم وعذاري
وعسى جزا من لايعزك ويغليك
تاكل من جنوبه سباع الضواري
اعاهدك لوغبت عن عيني سنين
أقسم قسم ياصاحبي مانسيتك
لك صوره بالعين ياقرة العين
عيت تفارق ناظري من هويتك
تسوى بعيوني من الخلايق ملايين
أنسى حياتي لاحشى مانسيتك
الصاحب اللي له في ضميري محبه
ارسله الاشواق جمله وتفريق
الله ينور له حياته ودربه
ويسقيه من حلو العسل صافي الريق
تشتاقله عيني وقلبي يحبه
وله منزله من دون كل المخاليق
عمر الصحبه ماتنتهي بين الأصحاب
بالذات لاصار الغلا فوق حده
وانتم سكنتو داخل رموش الهداب
عيني فراش ورمش عيني مخده
مهما حصل من بعد وقصور وغياب
ترى لكم بالذات
انتم موده
ياصاحبي أبعتذر عن جفايا
وعسى العذر يكون صادق ومقبول
أقسم بمن يعلم بكل الخفايا
ماصدني عنكم جفابس مشغول
والاأنتم أدري بالمحبه ووفايا
ظرفن حكمني وماني عالوقت مسؤل
الاياليتني نبضك أبات داخل اعماقك
أزيل الهم عن قلبك ومحي كل آهاتك
الاياليتني حظك واسعد كل ايامك
أخلي الفرح في دربك وضحكه على شفاهك
ازيح التعب عنك عساني ماأنحرم منك
وش أخبارك ياتاج راسي وعاليه
ياغيمه جادةبأغزر مطرها
أنتي ربيع القلب واغلى امانيه
عطر الحياه وأثمن دررها
وصفك كثير يعجز الشعر يوفيه
ياورده فاحت بأجمل عطرها
مساء الخير يامن يشغل التفكير صبح ولليل
مساء الورد ياورد تفتح في شراييني
مساء العمر يامن يستحق الحب والتدليل