معاني كلمات اغنية مظلوم لمحمد محي

طبعا كتير مننا سمع الاغنية ومفهمش تلات تربع الكلام الي فيها

وانا دورت علي النت علي كلماتها كلمة كلمة

لاني كنت هتهبل واعرف معناها

لحد مافهمتها [ندعوك للتسجيل في المنتدى أو التعريف بنفسك لمعاينة هذه الصورة]
دلوقتي كلمات الاغنية بتقول

-----------------------------------------------------------------------------------------------------
حلو يلي عجبك بعدينا

سايبنا و لايف في اعدين تعال نعاتب بعضينا

عاتبني يمكن أنا مظلوم مظلوم يمكن انا مظلوم

بلاش من الهدد حسبنى

اذا كان هتمشى وهتسيبنى تعالى احاسبك وحاسبنى عاتبنى يمكن انا مظلوم يمكن انا مظلوم

انا مظلوم انا مظلوم انا مظلوم

بلاش لفك وتراويشك وسيرتى ويا دروايشك ليه تشوفنى وتدارى وشك

عاتبنى يمكن انا مظلوم مظلوم يمكن انا مظلوم

-----------------------------------------------------------------------------------------------------



اولا الاغنية دي بلهجة الصعيدية فحت ردم ومحي اول مرة يعمل التجربة دي في حياتة

والاغنية اصلا فلكلور لواحد اسمة الحنفي احمد حسن والاغنية اصلا كبيرة لكن محي اختار منها جزء بسيط

عشان يبقي ماشي مع الاغنية

نيجي بقي لمعاني الكلمات الصعبة

حلو ياللي عجبك بعدي يا سيبنا ولايف في أعادينا


تعالى نعاتب بعضينا عاتبني يمكن انا مظلوم


ودي يعني

يعني حلو ياللي عجبك بعدنا سايبنا وقاعد تلف وتدور على أعدائنا

وانا متهيالي الخلاف كلة علي كلمة لايف

لايف دي زي ماتيجي كدة في الاريف يقولك دا فلان لايف على واحده تانيه يعني مثلا سايب مراتة او خطيبتة وبيلوف علي واحدة تانية

وفي الاغنية بيقولك سايبنا ولايف في اعدين يعني سايب حبيبك ورايح بقا لاعادءنا وكدا وعمال تلف وتدور معاهم ومنفض لحبيبك يعني


نيجي للكلمة التانية وهيا بلاش من الهدد حسبنى


يعني بلاش تهديد وحس بيا

نيجي للجملة التالتة بيقول بلاش لفك وتراويشك وسيرتى ويا دروايشك

التروايش: يعني الحاجات اللي بتعملها وملهاش لزمة

دراويشك: يعني اتباعك وحبايبك

وهنا الجملة معناها

بلاش تعمل حاجات ملهاش لازمة وتشوفني تدور وشك وتجيب في سيرتي مع احبابك واصحابك

بإختصار معناها بلاش لف ودوران معايا وتجيب في سيرتي مع صحابك ولما تشفني تلف وشك طب عاتبني يمكن أنا مظلوم

النوع ده من الأغاني بيلفق الكلام عشان يتماشى مع اللحن

يعني مثلا

بلاش لفك وتراويشك

المقصود بيها " وتدر ( تدوّر ) وشك " لكن هو بيقول تراويشك عشان تمشي مع اللحن

دا تفسيري المتواضع للاغنية بعد ماقلبت النت كلة علي معاني الكلمات دي يمكن انا مش عارف اعبر عن المعاني دي باسلوب اوضح من

كدة بس اهو عالاقل تبقي عندكوا فكرة بالمعاني وتقدروا تفهموا معانيها