السلام عليكم ورحمة الله وبركاته
طابت أوقاتكم.... تعجز حروفي وفكـري بالرغـم إنـي
أطوّع الحـرف وأنسـج فكـره مدنـه
لكن إذا قـال عبـّر بالشعـر عنـّي
في وقتها كن مالـي بالشعـر شنـّه
لا جيت له رافـعٍ خشمي والا فإنـي
أتوه ويصير هوّ اللـي ألا فِنــّه
رخيـم صوتـه بهرجـه كــنّه يغنـّي
أخذت موته عسانـي ما أنحـرم منـّه
دلــّوع فيـه الدلـع زايـد وجنـّنـي
نَعوّم مـن ريشـة العصفـوره آحنّـه
يمشي وكـنّه طـوال العـام متحنّـي
كنـّه على روس الأصابـع مشـى كـنّه
والشَّعر سايح على الأمتـان متدنــّي
وأظن الأنفاس مـن سيحـه يهابنّـه
لا جا قبالي أغنـي لـه حسـب فنـّي
وإن غيّب آجـاذب الونــّه ورى الونــّه
حبـّه تمـكــّن بخفـاقـي ومكـنّـي
ماهوب حب الغـوى والطــّق والرنــّه
أحب مرحبه لا صـدّح بهـا كنـي
متعومـسٍ كيـّفـه هيلـه معا بنـّه
إي والله إني أحبـّه مـن صغـر سنـّي
ولا ذبحنـي عليـه إلا صغـر سنـّه
والظيم لو قال لي ماعنـّك وعنـّي
أو اتركه قلـت لا ماعنـّي وعنـّه
أقرب لروحي من شفاهي إلى سني
وأبعد من البغض بعد بليس للجنـّه
ظني به أعلى من مهلهل أبو الجنـّي
وظنه بي أرسى من مهلهل ومن جنـه
حتى ولو مابقا الغالي علـى ظنـي
بــ أغضّ طرفي وأنا ببقى علـى ظنـّه
الـــــــواحــــة الادبيــة
الثلاثاء يونيو 07, 2011 5:54 pm
