مـــات الكـــــلام,,,
ومات الكلام اللي بقى فوق الشفاه الحايره لمّا مشيت
وحلّ الظلام
وكن الشوارع ماضوت انوارها .... ذاك المسا
وكن المسا ماذاق ابد طعم المسا .... ذاك المسا
لمّا مشيت
صدقني حتى ماقويت امسح بيدي دمعتي .. ذاك المسا
صدقني حتى ماقويت اثني لدربي خطوتي .. ذاك المسا
ومات الكلام بشفّتي لمّا مشيت
ياليت ماكان اللقا ياليت ماكان الوفى ياليت ماكان الجفا
ذاك المسا ياليتني ماكنت انا
حسيت بالدنيا تدور حتى اقرب احبابي يجور
عارف ......... بغيت اموت
عارف ......... ذبحني الصوت
وانا اسمعك تقول لي .. ماشي
ماشي خلاص ؟؟ رايح خلاص ؟؟
وكان الهجر منك كثير ....... منك كثير
تدري شعرت اني بروحي ..... وحدي تقاسمني جروحي
كنت الوحيد اللي دفن جرحي ونساني الأنين
واليوم ماغيرك زرع .... لي جرح يضنيني على مر السنين
ماشي خلاص .. وبتودع اعيوني ؟؟
ماشي خلاص .. وتاركني لظنوني ؟؟
ومات الكلام !!